HCBS တၢ်မၤလဲၤထီၣ်လဲၤထီပှၤမၤတၢ်ဖိအစ့ဆီၣ်ထွဲတဖၣ်ခံ (2) ဘျီ

တၢ်စံၣ်စိၤဂံၢ်ထံး

Minnesota ပှၤဒုးအိၣ်ထီၣ်သဲစးတၢ်ဘျၢဒုးအိၣ်ထီၣ် Home and Community-Based Services (တၢ်မၤစၢၤဟံၣ်ဃီဒီးပှၤတဝၢဂံၢ်ထံးတၢ်ဖံးတၢ်မၤတဖၣ်) (HCBS) တၢ်မၤလဲၤထီၣ်လဲၤထီပှၤမၤတၢ်ဖိအစ့ဆီၣ်ထွဲတဖၣ်တၢ်တိာ်ကျဲၤလၢတၢ်ထုးန့ၢ်ဒီးတၢ်မၤန့ၢ်ပှၤမၤတၢ်ဖိတဖၣ်အတၢ်ကွၢ်ထွဲလိၤလိၤလၢအမ့ၢ်ပှၤဟ့ၣ်လီၤ HCBS တၢ်မၤစၢၤလၢပှၤလၢအိၣ်ဒီး ပှၤနီၢ်ခိက့ၢ်ဂီၤတလၢပှဲၤဒီး/မ့တမ့ၢ် ပှၤသူၣ်က့သးပှၢ်တဖၣ် အဂီၢ်န့ၣ်လီၤ.

တၢ်န့ၢ်ဘျုးလၢအအိၣ်ပာ်တဖၣ်- တၢ်ဟံးဃာ်ဘိနၢး(စ) $575 ခံ (2) ဘျီ

ပှၤမၤတၢ်ဖိလၢအမၤတၢ်ဒ်ပှၤရဲၣ်ကျဲၤမၤစၢၤတၢ်ကွၢ်ထွဲ HCBS တၢ်ဖံးတၢ်မၤလိၤလိၤလၢအစှၤကတၢၢ်တၢ်ခိတၢ်သွဲအနံၣ်ခံ (2) နံၣ်ဃုာ်ဒီးပှၤတဂၤဃီ မ့တမ့ၢ် ပှၤရဲၣ်ကျဲၤမၤစၢၤတၢ်ဖိအခၢၣ်စးကရၢဒီးပှၤလၢအဒိးန့ၢ် federal poverty level (ဖဲၣ်ဒရၢၣ်ကီၢ်စၢဖှိၣ်တၢ်ဖှီၣ်တၢ်ယာ်ပတီၢ်) 300% မ့တမ့ၢ် စှၤန့ၢ်အန့ၣ်ဖဲတၢ်ဒွးန့ၢ်က့ၤတၢ်ခိတၢ်သွဲဝံၤအလီၢ်ခံဒိးန့ၢ်ဘၣ်တၢ်ဟံးဃာ်ဘိနၢး(စ) $575 သ့တုၤလၢခံ (2) ဘျီဖဲလါအ့ဖြ့ၤ 1 သီ, 2023, ဒီးလါမၤၡၢၣ် 15 သီ, 2024 အဘၢၣ်စၢၤ, မ့တမ့ၢ် ဒ်တၢ်ဟ့ၣ်စ့ဆီၣ်ထွဲတၢ်ပျဲအသိးန့ၣ်လီၤ.

တၢ်ဒိးန့ၢ်လံာ်ပတံထီၣ်ဖဲလါအ့ဖြ့ၤ 1 သီ, 2023, ဒီးလါဒံၢ်စဲဘၢၣ် 31 သီ, 2023 အဘၢၣ်စၢၤ, ဒိးန့ၢ်ဘၣ်တၢ်ဟံးဃာ်ဘိနၢး(စ) $575 သ့တုၤလၢခံ (2) ဘျီန့ၣ်လီၤ.
- oတၢ်ကဟ့ၣ်လီၤဘိနၢး(စ)အခီၣ်ထံးတဘျီဖဲ 2023 ဖဲတၢ်သမံထံပာ်ဂၢၢ်ပာ်ကျၢၤလံာ်ပတံထီၣ်ဝံၤအခါန့ၣ်လီၤ. တၢ်ကဟ့ၣ်လီၤဘိနၢး(စ)ခံဘျီတဘျီဖဲလါယနူၤအါရံၤ 2024 ထီၣ်သီအခါန့ၣ်လီၤ. တၢ်ကဒုးသ့ၣ်ညါပှၤမၤတၢ်ဖိခီဖျိအံမ့(လ)ဖဲတၢ်တယာ်လီၤအဝဲသ့ၣ်ဘိနၢး(စ)ခံဘျီတဘျီအခါဒီးတလိၣ်ဆှၢထီၣ်ကဒါက့ၤအလံာ်ပတံဘၣ်န့ၣ်လီၤ.
တၢ်ဒိးန့ၢ်လံာ်ပတံထီၣ်ဖဲလါယနူၤအါရံၤ 1 သီ, 2024, ဒီးလါမၤရှး 15 သီ, 2024 အဘၢၣ်စၢၤ, ဒိးန့ၢ်ဘၣ်တၢ်ဟံးဃာ်ဘိနၢး(စ) $575 သ့တုၤလၢတၢ (1) ဘျီန့ၣ်လီၤ.

ပှၤလၢအကြၢးဒိးန့ၢ်သ့

ထဲဒၣ် ပှၤမၤတၢ်ဖိလၢအမၤတၢ်ဒ်ပှၤရဲၣ်ကျဲၤမၤစၢၤတၢ်ကွၢ်ထွဲ HCBS တၢ်ဖံးတၢ်မၤလိၤလိၤလၢအစှၤကတၢၢ်တၢ်ခိတၢ်သွဲအနံၣ်ခံ (2) နံၣ်ဃုာ်ဒီးပှၤတဂၤဃီ မ့တမ့ၢ် ပှၤရဲၣ်ကျဲၤမၤစၢၤတၢ်ဖိအခၢၣ်စးကရၢဒီးပှၤလၢအဒိးန့ၢ် federal poverty level (ဖဲၣ်ဒရၢၣ်ကီၢ်စၢဖှိၣ်တၢ်ဖှီၣ်တၢ်ယာ်ပတီၢ်) 300% မ့တမ့ၢ် စှၤန့ၢ်အန့ၣ်ဖဲ တၢ်ဒွးန့ၢ်က့ၤတၢ်ခိဝံၤအလီၢ်ခံကြၢးဒီးတၢ်ဟံးဃာ်ဘိနၢး(စ)ဖဲအဝဲသ့ၣ်မ့ၢ်မၤလၢပှဲၤတၢ်လိၣ်ဘၣ်ဖဲလာ်တဖၣ်အံၤန့ၣ်လီၤ.

တၢ်ကြၢးဝဲဘၣ်ဝဲ သ့ဒ်လဲၣ်အကျိၤအကျဲ

လၢတၢ်ဒိးန့ၢ်တၢ်ဟံးဃာ်ဘိနၢး(စ)တဖၣ်အဂီၢ်, ပှၤမၤတၢ်ဖိကဘၣ်မၤလၢပှဲၤတၢ်လိၣ်ဘၣ်သၢထံၣ်န့ၣ်လီၤ.

တၢ်လိၣ်ဘၣ် #1

ပှၤမၤတၢ်ဖိတဖၣ်ဖံးမၤတၢ်ဒ်ပှၤရဲၣ်ကျဲၤမၤစၢၤတၢ်ကွၢ်ထွဲ HCBS တၢ်ဖံးတၢ်မၤလိၤလိၤအသိးကဘၣ်ဒိးန့ၢ် federal poverty level (ဖဲၣ်ဒရၢၣ်ကီၢ်စၢဖှိၣ်တၢ်ဖှီၣ်တၢ်ယာ်အပတီၢ်) 300% မ့တမ့ၢ် စှၤန့ၢ်အန့ၣ်န့ၣ်လီၤ. တၢ်ဖှီၣ်တၢ်ယာ်အတၢ်နဲၣ်ကျဲတဖၣ် ဒိးသန့ၤထီၣ်သးဖဲနဟံၣ်ဖိဃီဖိနီၣ်ဂံၢ်အဖီခိၣ်ဒီးတၢ်ဒွးန့ၢ်က့ၤခိသွဲတၢ်ဟဲနုာ်ဝံၤအလီၢ်ခံန့ၣ်လီၤ. တၢ်ပာ်ဖျါ 2023 တၢ်ဖှီၣ်တၢ်ယာ်တၢ်နဲၣ်ကျဲတဖၣ်ဖဲလာ်အံၤန့ၣ်လီၤ. နမ့ၢ်တသ့ၣ်ညါလီၤတံၢ်လၢမ့ၢ်နမၤလၢပှဲၤဘၣ်တၢ်နဲၣ်ကျဲသ့ၣ်တဖၣ်အံၤဧါန့ၣ်, သမံသမိးကွၢ်ဒီးနတၢ်မၤကစၢ်/ပှၤရဲၣ်ကျဲၤမၤစၢၤတၢ်ဖိအခၢၣ်စးကရၢ မ့တမ့ၢ် ပှၤကတဲာ်ကတီၤတၢ်ခိတၢ်သွဲလၢနဂီၢ်တက့ၢ်.

တၢ်သမံသမိးဟံၣ်ဖိဃီဖိတၢ်ဟဲနုာ်

လၢတၢ်ပာ်ဖျါထီၣ်တၢ်ဟဲနုာ်အတၢ်အုၣ်သးအဂီၢ်, တၢ်ကမၢနဆှၢထီၣ်န 2022 လံာ်တြံာ်တၢ်မၤနီၣ်အတၢ်ကွဲးဒိ 1040, 1040EZ မ့တမ့ၢ် 1040A ဖဲၣ်ဒရၢၣ်ကီၢ်စၢဖှိၣ်တၢ်ခိတၢ်သွဲအတကွီၣ်ဒိ ဃုာ်ဒီးနလံာ်ပတံထီၣ်န့ၣ်လီၤ. နကဘၣ်ဆှၢထီၣ်စ့ၢ်ကီးပှၤတဂၤလၢ်လၢ်ဖဲနဟံၣ်ပူၤဃီပူၤအ 2022 ဖဲၣ်ဒရၢၣ်ကီၢ်စၢဖှိၣ်တၢ်ခိတၢ်သွဲလံာ်တြံာ်တၢ်မၤနီၣ်အတကွီၣ်ဒိဃုာ်ဒီးနလံာ်ပတံထီၣ်န့ၣ်လီၤ. နမ့ၢ်တတုၤထီၣ်ဘးတၢ်ဟဲနုာ်အစှၤကတၢၢ်လၢတၢ်လိၣ်ဘၣ်ဝဲလၢတၢ်ဆှၢထီၣ်တၢ်ခိတၢ်သွဲတဖၣ်အဂီၢ်န့ၣ်, ဆှၢထီၣ် 2022 W-2 တၢ်ဘူးတၢ်လဲဒီးတၢ်ခိတၢ်သွဲအလံာ်ပာ်ဖျါ လၢပှၤဒိၣ်တုာ်ခိၣ်ပှဲၤခဲလၢာ်ဖဲနဟံၣ်ပူၤဃီပူၤအဂီၢ်တက့ၢ်.

ဒူၣ်ဖိထၢဖိအခီပညီ

တၢ်ပာ်ဖျါထီၣ်ဒူၣ်ဖိထၢဖိအခီပညီဒ်အမ့ၢ်ပှၤပတံထီၣ်တၢ်ဖိအဒီမါဝၤဒီးပှၤလၢအဒိးသန့ၤသးဖဲအတၢ်ခိတၢ်သွဲဖီခိၣ်န့ၣ်လီၤ. လူၤပိာ်မၤထွဲတၢ်ဘျၢအခီၣ်ထံးခီၣ်ဘိတဖၣ်အံၤဖဲအပၣ်ဃုာ်ဒီးနဒူၣ်ဖိထၢဖိတဖၣ်အခါ- ဃုာ်ဒီးနဒီမါဝၤဖဲနမ့ၢ်ဒိးတ့ဒိးဖျီသးဖိးသဲစးန့ၣ်တက့ၢ်. နမ့ၢ်ဃ့န့ၢ်က့ၤပှၤတဂၤဂၤဒ်အမ့ၢ်ပှၤဒိးသန့ၤသးလၢနတၢ်ခိတၢ်သွဲအဖီခိၣ်လၢအပူၤကွံာ်နံၣ်တၢ်ခိတၢ်သွဲအဂီၢ်န့ၣ်, ဒုးပၣ်ဃုာ်အဝဲသ့ၣ်ဒ်နဒူၣ်ဖိထၢဖိအကျါအသိးတက့ၢ်. နမ့ၢ်တဃ့န့ၢ်က့ၤအဝဲသ့ၣ်ဒ်ပှၤဒိးသန့ၤသးလၢနတၢ်ခိတၢ်သွဲအဖီခိၣ်အသိးဘၣ်န့ၣ်, တဘၣ်ဒုးပၣ်ဃုာ်အဝဲသ့ၣ်တဂ့ၤ.

တၢ်လိၣ်ဘၣ် #2

ပှၤပတံထီၣ်တၢ်ဖိကဘၣ်ဖံးမၤတၢ်ဒ်ပှၤရဲၣ်ကျဲၤမၤစၢၤ HCBS တၢ်ကွၢ်ထွဲလိၤလိၤအတၢ်ဖံးတၢ်မၤတဖၣ်လၢပှၤအိၣ်ဒီးနီၢ်ခိက့ၢ်ဂီၤတလၢပှဲၤဒီး/မ့တမ့ၢ် ပှၤသးပှၢ်တဖၣ်အဂီၢ်န့ၣ်လီၤ. တၢ်အံၤပၣ်ဃုာ်ဒီး personal care assistants (PCA) (တၢ်မၤစၢၤတၢ်ကွၢ်ထွဲနီၢ်ကစၢ်ဂ့ၢ်ဝီ), ဒ်န့ၣ်သိးတၢ်ကွၢ်ထွဲအလီၢ်အကျဲလိၤလိၤအကလုာ်တဖၣ်န့ၣ်လီၤ. နမ့ၢ်တသ့ၣ်ညါလီၤတံၢ်လၢနလီၢ်နကျဲမ့ၢ်အအိၣ်တအိၣ်ဖဲ HCBS ဖီလာ်အဂ့ၢ်, န-

သံကွၢ်တၢ်မၤကစၢ်/ပှၤရဲၣ်ကျဲၤမၤစၢၤတၢ်ဖိအခၢၣ်စးကရၢလၢအကပာ်ဖျါဆှံထီၣ်အဂီၢ်သ့ဝဲန့ၣ်လီၤ.
ဖဲအလီၢ်တနီၤနီၤ, ဘၣ်ဆၣ်တမ့ၢ်ခဲလၢာ်, နဃုသ့ၣ်ညါနတၢ်မၤကစၢ်သ့ဖဲ DHS ပှာ်ယဲၤသန့လၢအဃုကွၢ်လံာ်တၢ်ပျဲအဂ့ၢ်အကျိၤ, လၢတၢ်ကမၤနီၣ်ဝဲလၢအမ့ၢ် “Type of service” (“တၢ်မၤစၢၤအကလုာ်”) ဖဲတၢ်ဃုသ့ၣ်ညါတၢ်အစၢတဖၣ်အကဘျံးပၤအဖီခိၣ်န့ၣ်လီၤ.
သံကွၢ်ကလုာ်ဒူၣ် မ့တမ့ၢ် ကီၢ်ခီတၢ်ဂ့ၢ်အမဲန့ၢ်ကၠၢၢ် လၢအမၤသကိးတၢ်ဒီးနၤလၢနနာ်န့ၢ်သ့တဂၤဂၤတက့ၢ်.
ကွၢ်ဘၣ် HCBS ပှၤရဲၣ်ကျဲၤမၤစၢၤတၢ်ဖိအပှာ်ယဲၤသန့ လၢတၢ်သ့ၣ်ညါတၢ်ဂ့ၢ်တၢ်ကျိၤဖဲတၢ်ဖံးတၢ်မၤတဖၣ်န့ၣ်အဂီၢ်တက့ၢ်.

လၢတၢ်သမံထံနမၤတၢ်ဒ်ပှၤရဲၣ်ကျဲၤမၤစၢၤ HCBS တၢ်ကွၢ်ထွဲလိၤလိၤအတၢ်ဖံးတၢ်မၤအဂီၢ်, တၢ်ကဃ့နၤလၢနကဆှၢထီၣ်-

2022 W-2 တၢ်ဘူးတၢ်လဲဒီးတၢ်ခိတၢ်သွဲအလံာ်ပာ်ဖျါ
UMPI နီၣ်ဂံၢ် (လၢ PCA ပှၤမၤတၢ်ဖိတဖၣ်အဂီၢ်). နမ့ၢ်တသ့ၣ်ညါနနီၢ်ကစၢ်အတၢ်မ့ၢ်မနုၤ, ဆဲးကျိးဘၣ်နတၢ်မၤကစၢ်/ပှၤရဲၣ်ကျဲၤမၤစၢၤတၢ်ဖိအခၢၣ်စးကရၢတက့ၢ်.

တၢ်လိၣ်ဘၣ် #3

ပှၤပတံထီၣ်တၢ်ဖိကဘၣ်ဖံးမၤတ့ၢ်လံတၢ်ဒ်ပှၤရဲၣ်ကျဲၤမၤစၢၤ HCBS တၢ်ကွၢ်ထွဲလိၤလိၤအတၢ်ဖံးတၢ်မၤတဖၣ်လၢပှၤအိၣ်ဒီးနီၢ်ခိက့ၢ်ဂီၤတလၢပှဲၤဒီး/မ့တမ့ၢ် ပှၤသးပှၢ်တဖၣ်အဂီၢ်အစှၤကတၢၢ်တၢ်ခိတၢ်သွဲအနံၣ်ခံ (2) နံၣ်ဃုာ်ဒီးပှၤတဂၤဃီ မ့တမ့ၢ် ပှၤရဲၣ်ကျဲၤမၤစၢၤတၢ်ဖိအခၢၣ်စးကရၢန့ၣ်လီၤ. တၢ်အံၤပၣ်ဃုာ်ဒီး personal care assistants (PCA) (တၢ်မၤစၢၤတၢ်ကွၢ်ထွဲနီၢ်ကစၢ်ဂ့ၢ်ဝီ), ဒ်န့ၣ်သိးတၢ်ကွၢ်ထွဲအလီၢ်အကျဲလိၤလိၤအကလုာ်တဖၣ်န့ၣ်လီၤ.

လၢတၢ်သမံထံလီၤတံၢ်ဝဲလၢနဟ့ၣ်လီၤ HCBS တၢ်ဖံးတၢ်မၤအစှၤကတၢၢ်တၢ်ခိတၢ်သွဲအနံၣ်ခံ (2) နံၣ်ဃုာ်ဒီးပှၤတဂၤဃီ မ့တမ့ၢ် ပှၤရဲၣ်ကျဲၤမၤစၢၤတၢ်ဖိအခၢၣ်စးကရၢ, နကဘၣ်ပာ်ဖျါထီၣ်

တၢ်ကဘၣ်ပတံထီၣ်ဒ်လဲၣ်အကျိၤအကျဲ

ဖဲနသမံထံပာ်ဂၢၢ်ပာ်ကျၢၤလၢနကြၢးဒီးတၢ်ပတံထီၣ်, စံၢ်လီၤဖဲ "Apply Now" (“ပတံထီၣ်ခဲအံၤ”) အသၣ်ဖျၢၣ်လိၤဖဲကဘျံးပၤတဘ့ၣ်အံၤအကတၢၢ်တက့ၢ်. တချုးနပတံထီၣ်အခါ, မၤလီၤတံၢ်လၢနအိၣ်ဒီးတၢ်မၤနီၣ်မၤဃါလၢလာ်တဖၣ်အံၤ-

တၢ်ဟဲနုာ်အတၢ်အုၣ်သး. တၢ်ကမၢနဆှၢထီၣ်န 2022 လံာ်တြံာ်တၢ်မၤနီၣ်အတၢ်ကွဲးဒိ 1040, 1040EZ မ့တမ့ၢ် 1040A ဖဲၣ်ဒရၢၣ်ကီၢ်စၢဖှိၣ်တၢ်ခိတၢ်သွီအတကွီၣ်ဒိ ဃုာ်ဒီးနလံာ်ပတံထီၣ်န့ၣ်လီၤ. နကဘၣ်ဆှၢထီၣ်စ့ၢ်ကီးပှၤတဂၤလၢ်လၢ်ဖဲနဟံၣ်ပူၤဃီပူၤအ 2022 ဖဲၣ်ဒရၢၣ်ကီၢ်စၢဖှိၣ်တၢ်ခိတၢ်သွဲလံာ်တြံာ်တၢ်မၤနီၣ်အတကွီၣ်ဒိဃုာ်ဒီးနလံာ်ပတံထီၣ်န့ၣ်လီၤ.
တၢ်ဖံးတၢ်မၤလၢအပူၤကွံာ်တၢ်ခိတၢ်သွဲအနံၣ်ခံ (2) နံၣ်အတၢ်အုၣ်သး. လၢတၢ်သမံထံနမၤတၢ်ဒ်ပှၤရဲၣ်ကျဲၤမၤစၢၤ HCBS တၢ်ကွၢ်ထွဲလိၤလိၤအတၢ်ဖံးတၢ်မၤအဂီၢ်, တၢ်ကဃ့နၤလၢနကဆှၢထီၣ်န 2022 ဒီး 2021 W-2 တၢ်ဘူးတၢ်လဲဒီးတၢ်ခိတၢ်သွဲအလံာ်ပာ်ဖျါ ဒီးန UMPI နီၣ်ဂံၢ် 10 ဖျၢၣ် (လၢ PCA ပှၤမၤတၢ်ဖိတဖၣ်အဂီၢ်).

တၢ်သံကွၢ်အိၣ်ဧါ?

လၢတၢ်သံကွၢ်ဘၣ်ထွဲဒီးမ့ၢ်နဟ့ၣ်တဟ့ၣ် HCBS တၢ်မၤစၢၤလၢပှၤအိၣ်ဒီးနီၢ်ခိက့ၢ်ဂီၤတလၢပှဲၤဒီးပှၤသးပှၢ်တဖၣ်အဂီၢ်, န-
- oသံကွၢ်တၢ်မၤကစၢ်/ပှၤရဲၣ်ကျဲၤမၤစၢၤတၢ်ဖိအခၢၣ်စးကရၢလၢအကပာ်ဖျါဆှံထီၣ်အဂီၢ်သ့ဝဲန့ၣ်လီၤ.
- oဖဲအလီၢ်တနီၤနီၤ, ဘၣ်ဆၣ်တမ့ၢ်ခဲလၢာ်, နဃုသ့ၣ်ညါနတၢ်မၤကစၢ်သ့ဖဲ DHS ပှာ်ယဲၤသန့လၢအဃုကွၢ်လံာ်တၢ်ပျဲအဂ့ၢ်အကျိၤၤ, လၢတၢ်ကမၤနီၣ်ဝဲလၢအမ့ၢ် “Type of service” (“တၢ်မၤစၢၤအကလုာ်”) ဖဲတၢ်ဃုသ့ၣ်ညါတၢ်အစၢတဖၣ်အကဘျံးပၤအဖီခိၣ်န့ၣ်လီၤ.
- oသံကွၢ်ကလုာ်ဒူၣ် မ့တမ့ၢ် ကီၢ်ခီတၢ်ဂ့ၢ်အမဲန့ၢ်ကၠၢၢ် လၢအမၤသကိးတၢ်ဒီးနၤလၢနနာ်န့ၢ်သ့တဂၤဂၤတက့ၢ်.
- oကွၢ်ဘၣ် HCBS ပှၤရဲၣ်ကျဲၤမၤစၢၤတၢ်ဖိအပှာ်ယဲၤသန့ လၢတၢ်သ့ၣ်ညါတၢ်ဂ့ၢ်တၢ်ကျိၤဖဲတၢ်ဖံးတၢ်မၤတဖၣ်န့ၣ်အဂီၢ်တက့ၢ်.

လၢတၢ်သံကွၢ်ဘၣ်ထွဲဒီးတၢ်ကြၢးဒီးခွဲးယာ်, မ့ၢ်နကြၢးတကြၢးဒီးတၢ်ဟံးဃာ်ဘိနၢး(စ)တဖၣ်, မ့တမ့ၢ် မၤစၢၤတၢ်ဖဲတၢ်မၤဝံၤဝဲဒၣ်တၢ်လိၣ်ဘၣ်တၢ်ဟံးဃာ်ဘိနၢး(စ)အဂီၢ်, ဆဲးကျိးဘၣ်နတၢ်မၤကစၢ်/ပှၤရဲၣ်ကျဲၤမၤစၢၤတၢ်ဖိအခၢၣ်စးကရၢတက့ၢ်.

လၢတၢ်သံကွၢ်ဘၣ်ထွဲဒီးတၢ်ဒုးနဲၣ်ဖျါထီၣ်နတၢ်ဟဲနုာ်အတၢ်အုၣ်သး, ဆဲးကျိးဘၣ်နတၢ်မၤကစၢ်/ပှၤရဲၣ်ကျဲၤမၤစၢၤတၢ်ဖိအခၢၣ်စးကရၢ မ့တမ့ၢ် ပှၤကတဲာ်ကတီၤတၢ်ခိတၢ်သွဲလၢနဂီၢ်တက့ၢ်.

လၢတၢ်သံကွၢ် မ့တမ့ၢ် တၢ်ဂ့ၢ်ကီဘၣ်ထွဲဒီးနလံာ်ပတံထီၣ်အဂ့ၢ်, ကွဲးအံမ့(လ)ဖဲ retentionbonuses@togevents.com တက့ၢ်. တဘၣ်ဆှၢနလံာ်ပတံထီၣ်တဖၣ်ဒီးအံမ့(လ)အံၤတဂ့ၤ. တၢ်ဆှၢထီၣ်လံာ်ပတံဒီးအံမ့(လ)တၢ်တတူၢ်လိာ်ဝဲဘၣ်န့ၣ်လီၤ.

ပတံထီၣ်ခဲအံၤ